ਮੁੰਬਈ ਨੂੰ ਮਿਲਿਆ ਸੀ 163 ਦੌੜਾਂ ਦਾ ਟੀਚਾ

ਇਸ ਮੈਚ ਵਿੱਚ ਮੁੰਬਈ ਇੰਡੀਅਨਜ਼ ਨੂੰ 163 ਰਨ ਦਾ ਟੀਚਾ ਮਿਲਿਆ ਸੀ, ਜਿਸਦੇ ਜਵਾਬ ਵਿੱਚ ਟੀਮ ਨੇ ਤੇਜ਼ ਸ਼ੁਰੂਆਤ ਕੀਤੀ। ਪਹਿਲੇ 4 ਓਵਰਾਂ ਵਿੱਚ ਜ਼ਿਆਦਾਤਰ ਗੇਂਦਾਂ ਰੋਹਿਤ ਸ਼ਰਮਾ ਨੇ ਖੇਡੀਆਂ, ਜੋ 16 ਗੇਂਦਾਂ ’ਚ 26 ਰਨ ਬਣਾਕੇ ਆਊਟ ਹੋ ਗਏ। ਇਹ IPL 2025 ਵਿੱਚ ਰੋਹਿਤ ਦਾ ਹੁਣ ਤੱਕ ਦਾ ਸਭ ਤੋਂ ਵੱਧ ਵਿਅਕਤੀਗਤ ਸਕੋਰ ਵੀ ਰਿਹਾ। ਉਨ੍ਹਾਂ ਦੇ ਸਾਥੀ ਰਾਇਨ ਰਿਕਲਟਨ 31 ਰਨ ਬਣਾ ਕੇ ਆਊਟ ਹੋ ਗਏ।

ਇਸ ਤੋਂ ਬਾਅਦ ਵਿਲ ਜੈਕਸ ਅਤੇ ਸੂਰਿਆਕੁਮਾਰ ਯਾਦਵ ਨੇ ਮੋਰਚਾ ਸੰਭਾਲਦੇ ਹੋਏ 52 ਰਨਾਂ ਦੀ ਸਾਂਝ ਪਾਈ, ਜਿਸ ਨਾਲ ਮੁੰਬਈ ਲਈ ਜਿੱਤ ਆਸਾਨ ਦਿਖਾਈ ਦੇਣ ਲੱਗੀ ਸੀ। ਹਾਲਾਂਕਿ, ਇਸ ਦੌਰਾਨ ਸਿਰਫ 7 ਰਨਾਂ ਦੇ ਅੰਦਰ ਹੀ ਸੂਰਿਆਕੁਮਾਰ ਯਾਦਵ ਅਤੇ ਵਿਲ ਜੈਕਸ ਦੋਵੇਂ ਆਪਣਾ ਵਿਕਟ ਗਵਾ ਬੈਠੇ। ਸੂਰਿਆ ਨੇ 26 ਰਨ ਬਣਾਏ ਜਦਕਿ ਜੈਕਸ ਨੇ 36 ਰਨਾਂ ਦੀ ਪਾਰੀ ਖੇਡੀ।

ਜਿੱਤ ਨੂੰ ਤਰਸਦੀ ਰਹੀ ਮੁੰਬਈ

ਮੁੰਬਈ ਨੇ 128 ਰਨ ਦੇ ਸਕੋਰ 'ਤੇ ਆਪਣਾ ਚੌਥਾ ਵਿਕਟ ਗਵਾ ਦਿੱਤਾ ਸੀ ਅਤੇ ਟੀਮ ਨੂੰ ਜਿੱਤ ਲਈ ਹਾਲੇ ਵੀ 35 ਰਨ ਚਾਹੀਦੇ ਸਨ। ਹਾਰਦਿਕ ਪਾਂਡਿਆ ਅਤੇ ਤਿਲਕ ਵਰਮਾ ਨੇ ਮਿਲ ਕੇ 34 ਰਨ ਜੋੜੇ, ਪਰ ਜਦੋਂ ਮੁੰਬਈ ਨੂੰ ਜਿੱਤ ਲਈ ਕੇਵਲ 1 ਰਨ ਦੀ ਲੋੜ ਸੀ, ਤਾਂ ਹਾਰਦਿਕ 21 ਰਨ ਬਣਾ ਕੇ ਆਊਟ ਹੋ ਗਏ।

ਮੁੰਬਈ ਨੇ 17.1 ਓਵਰ ਤੱਕ 162 ਰਨ ਬਣਾ ਲਏ ਸਨ, ਦੋਹਾਂ ਟੀਮਾਂ ਦਾ ਸਕੋਰ ਬਰਾਬਰ ਹੋ ਗਿਆ ਸੀ ਅਤੇ ਹੁਣ ਮੁੰਬਈ ਨੂੰ ਜਿੱਤ ਲਈ ਸਿਰਫ 1 ਰਨ ਚਾਹੀਦਾ ਸੀ। ਇਹ ਆਖਰੀ ਰਨ ਬਣਾਉਣ ਵਿੱਚ ਮੁੰਬਈ ਇੰਡੀਅਨਜ਼ ਦੇ ਬੱਲੇਬਾਜ਼ਾਂ ਨੇ 7 ਗੇਂਦਾਂ ਲਗਾ ਦਿੱਤੀਆਂ ਅਤੇ ਇਸ ਦੌਰਾਨ 2 ਵੱਡੇ ਵਿਕਟ ਵੀ ਗਵਾ ਬੈਠੇ। ਆਖ਼ਿਰਕਾਰ 19ਵੇਂ ਓਵਰ ਦੀ ਪਹਿਲੀ ਗੇਂਦ 'ਤੇ ਤਿਲਕ ਵਰਮਾ ਨੇ ਜੀਸ਼ਾਨ ਅੰਸਾਰੀ ਦੀ ਗੇਂਦ 'ਤੇ ਚੌਕਾ ਲਾ ਕੇ ਮੁੰਬਈ ਦੀ 4 ਵਿਕਟਾਂ ਨਾਲ ਜਿੱਤ ਨੂੰ ਯਕੀਨੀ ਬਣਾਇਆ।