Donald Trump: ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਸ਼ਨੀਵਾਰ ਨੂੰ ਕਿਹਾ ਕਿ ਉਹ ਸੈਮੀਕੰਡਕਟਰ 'ਤੇ ਟੈਰੀਫ਼ (ਸ਼ੁਲਕ) ਨੂੰ ਲੈ ਕੇ ਸੋਮਵਾਰ ਨੂੰ ਕੋਈ ਨਵਾਂ ਐਲਾਨ ਕਰ ਸਕਦੇ ਹਨ। ਉਨ੍ਹਾਂ ਕਿਹਾ ਕਿ ਉਹ ਆਪਣੇ ਪ੍ਰਸ਼ਾਸਨ ਦੀ ਸੈਮੀਕੰਡਕਟਰ ਟੈਰੀਫ਼ ਸੰਬੰਧੀ ਰਣਨੀਤੀ ਬਾਰੇ ਸੋਮਵਾਰ ਨੂੰ ਜਾਣਕਾਰੀ ਦੇਣਗੇ। ਟਰੰਪ ਨੇ ਏਅਰ ਫੋਰਸ ਵਨ 'ਚ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਕਿਹਾ, “ਮੈਂ ਤੁਹਾਨੂੰ ਇਸ ਦਾ ਜਵਾਬ ਸੋਮਵਾਰ ਨੂੰ ਦਿਆਂਗਾ।”

ਇਸ ਤੋਂ ਪਹਿਲਾਂ ਟਰੰਪ ਨੇ ਸਮਾਰਟਫੋਨ, ਕੰਪਿਊਟਰ ਅਤੇ ਹੋਰ ਇਲੈਕਟ੍ਰੌਨਿਕ ਉਤਪਾਦਾਂ ਨੂੰ ਰਿਸੀਪਰੋਕਲ ਟੈਰੀਫ਼ ਦੇ ਦਾਇਰੇ ਤੋਂ ਬਾਹਰ ਕਰ ਦਿੱਤਾ ਸੀ। ਇਹ ਉਤਪਾਦ ਅਕਸਰ ਚੀਨ ਵਿੱਚ ਬਣਾਏ ਜਾਂਦੇ ਹਨ। 

HSN ਕੋਡ 8471 ਕੀ ਹੈ?

ਅਮਰੀਕਾ ਦੇ ਕਸਟਮ ਐਂਡ ਬਾਰਡਰ ਪ੍ਰੋਟੈਕਸ਼ਨ (CBP) ਨੇ 20 ਐਸੀਆਂ ਉਤਪਾਦ ਸ਼੍ਰੇਣੀਆਂ ਦੀ ਸੂਚੀ ਜਾਰੀ ਕੀਤੀ ਹੈ, ਜਿਨ੍ਹਾਂ ਨੂੰ ਹੁਣ ਟਰੰਪ ਦੇ ਰੈਸੀਪਰੋਕਲ ਟੈਰਿਫ ਦੇ ਦਾਇਰੇ ਤੋਂ ਬਾਹਰ ਰੱਖਿਆ ਗਿਆ ਹੈ। ਇਹ ਫੈਸਲਾ HSN ਕੋਡ 8471 (Harmonised System of Nomenclature) ਦੇ ਅਧੀਨ ਲਿਆ ਗਿਆ ਹੈ।

HSN ਕੋਡ 8471 ਹੇਠ ਆਉਣ ਵਾਲੀਆਂ ਚੀਜ਼ਾਂ ਵਿੱਚ ਆਮ ਤੌਰ 'ਤੇ ਇਹ ਉਤਪਾਦ ਸ਼ਾਮਲ ਹੁੰਦੇ ਹਨ:

ਕੰਪਿਊਟਰ

ਲੈਪਟਾਪ

ਸਰਵਰ

ਡੈਟਾ ਸਟੋਰੇਜ ਡਿਵਾਈਸ

ਆਟੋਮੈਟਿਕ ਡਾਟਾ ਪ੍ਰੋਸੈਸਿੰਗ ਮਸ਼ੀਨਾਂ

ਇਹਨਾਂ ਉਤਪਾਦਾਂ ਨੂੰ ਟੈਕਸ ਦੇ ਛੋਟ ਮਿਲਣ ਦਾ ਮਤਲਬ ਇਹ ਹੈ ਕਿ ਇਨ੍ਹਾਂ ਦੀਆਂ ਕੀਮਤਾਂ 'ਤੇ ਲਾਗੂ ਹੋਣ ਵਾਲੇ ਟੈਰਿਫ ਘਟ ਜਾਂ ਮੁਕ ਹੋ ਸਕਦੇ ਹਨ। 

ਇਹ ਇੱਕ ਐਸਾ ਕੋਡ ਹੈ ਜੋ ਉਤਪਾਦਾਂ 'ਤੇ ਟੈਕਸ ਲਾਉਂਦੇ ਸਮੇਂ ਉਨ੍ਹਾਂ ਦੀ ਪਹਿਚਾਣ ਕਰਨ ਲਈ ਵਰਤਿਆ ਜਾਂਦਾ ਹੈ। HSN Code 8471 ਦੇ ਅਧੀਨ ਉਹ ਮਸ਼ੀਨਾਂ ਆਉਂਦੀਆਂ ਹਨ ਜੋ ਡਾਟਾ ਪ੍ਰੋਸੈਸਿੰਗ ਕਰਦੀਆਂ ਹਨ। ਇਸਦਾ ਅਰਥ ਇਹ ਹੈ ਕਿ ਜਦੋਂ ਕੋਈ ਵਸਤੂ ਐਕਸਪੋਰਟ ਜਾਂ ਇੰਪੋਰਟ ਕੀਤੀ ਜਾਂਦੀ ਹੈ, ਤਾਂ ਇਸ ਕੋਡ ਦੀ ਮਦਦ ਨਾਲ ਡਾਟਾ ਪ੍ਰੋਸੈਸਿੰਗ ਮਸ਼ੀਨਾਂ ਦੀ ਪਛਾਣ ਕੀਤੀ ਜਾਂਦੀ ਹੈ, ਜਿਸ ਨਾਲ ਕਸਟਮ ਅਥਾਰਟੀਜ਼ ਨੂੰ ਉਨ੍ਹਾਂ 'ਤੇ ਠੀਕ ਟੈਰਿਫ ਲਗਾਉਣ ਵਿੱਚ ਆਸਾਨੀ ਮਿਲਦੀ ਹੈ। ਇਸ ਤਰ੍ਹਾਂ, HSN ਕੋਡ ਨਿਰਯਾਤ–ਆਯਾਤ ਵਿਚ ਪਾਰਦਰਸ਼ਤਾ ਅਤੇ ਟੈਕਸ ਲਾਗੂ ਕਰਨ ਦੀ ਸਹੀ ਪ੍ਰਕਿਰਿਆ ਨੂੰ ਯਕੀਨੀ ਬਣਾਉਂਦਾ ਹੈ।

ਟੈਰਿਫ ਤੋਂ ਟਰੰਪ ਵੱਲੋਂ ਯੂ-ਟਰਨ ਲੈਣ ਦੇ ਕਾਰਨ ਕੀ ਹਨ?

ਹਾਲਾਂਕਿ CBP (ਅਮਰੀਕਨ ਕਸਟਮ ਅਤੇ ਬਾਰਡਰ ਪ੍ਰੋਟੈਕਸ਼ਨ) ਵੱਲੋਂ ਜਾਰੀ ਨੋਟਿਸ 'ਚ ਟਰੰਪ ਪ੍ਰਸ਼ਾਸਨ ਦੇ ਇਸ ਫੈਸਲੇ ਪਿੱਛੇ ਕੋਈ ਵਿਸ਼ੇਸ਼ ਵਜ੍ਹਾ ਨਹੀਂ ਦਿੱਤੀ ਗਈ, ਪਰ ਇਹ ਕਦਮ Apple, Dell Technologies ਅਤੇ ਹੋਰ ਕਈ ਅਮਰੀਕੀ ਟੈਕ ਕੰਪਨੀਆਂ ਲਈ ਰਾਹਤ ਵਾਂਗ ਸਾਬਤ ਹੋਵੇਗਾ।

ਇਹ ਟਰੰਪ ਵੱਲੋਂ ਟੈਰਿਫ ਪੋਲਿਸੀ 'ਚ ਲਿਆਂਦੇ ਗਏ ਸਖ਼ਤ ਫੈਸਲੇ ਤੋਂ ਯੂ-ਟਰਨ ਲੈਣ ਦਾ ਇਸ਼ਾਰਾ ਮੰਨਿਆ ਜਾ ਰਿਹਾ ਹੈ, ਜਿਸਦੇ ਤਹਿਤ ਵਿਸ਼ੇਸ਼ ਤੌਰ 'ਤੇ ਚੀਨੀ ਸਮਾਨ ਉੱਤੇ ਟੈਰਿਫ ਵਧਾਏ ਗਏ ਸਨ।

ਇਸ ਤਬਦੀਲੀ ਨਾਲ ਟੈਕ ਉਦਯੋਗ ਨੂੰ ਆਸਾਨੀ ਮਿਲੇਗੀ ਅਤੇ ਸੰਭਵ ਹੈ ਕਿ ਇਹ ਟਰੰਪ ਦੀ ਚੋਣੀਤੀ ਰਣਨੀਤੀ ਦਾ ਹਿੱਸਾ ਵੀ ਹੋਵੇ।