ਕੋਰੋਨਾ ਵਾਇਰਸ ਦੇ ਜਾਰੀ ਕਹਿਰ ਵਿਚਾਲੇ ਟੈਨਿਸ ਦੀ ਵਾਪਸੀ ‘ਤੇ ਵਿਸ਼ਵ ਦੇ ਤੀਜੇ ਨੰਬਰ ਦੇ ਖਿਡਾਰੀ ਆਸਟ੍ਰੀਆ ਦੇ ਡੋਮਿਨਿਕ ਥਿਏਮ ਨੇ ਫਿਲਿਪ ਕ੍ਰਾਜਿਨੋਵਿਚ ਨੂੰ ਬੇਲਗ੍ਰਾਦ ਵਿਚ ਏਡ੍ਰੀਆ ਟੂਰ ਟੈਨਿਸ ਟੂਰਨਾਮੈਂਟ ਦੇ ਆਖਰੀ ਮੈਚ ਵਿਚ ਐਤਵਾਰ ਨੂੰ 4-3 (7-2), 2-4, 4-2 ਨਾਲ ਹਰਾ ਕੇ ਖਿਤਾਬ ਜਿੱਤ ਲਿਆ। ਥਿਏਮ ਅਤੇ ਵਿਸ਼ਵ ਦੇ 32ਵੇਂ ਨੰਬਰ ਦੇ ਖਿਡਾਰੀ ਕ੍ਰਾਜਿਨੋਵਿਚ ਵਿਚਾਲੇ ਮੁਕਾਬਲਾ ਸੰਘਰਸ਼ਪੂਰਨ ਰਿਹਾ। ਥਿਏਮ ਨੇ ਪਹਿਲਾ ਸੈੱਟ ਟਾਈ ਬ੍ਰੇਕ ਵਿਚ ਜਿੱਤਿਆ ਪਰ ਦੂਜੇ ਸੈੱਟ ਵਿਚ 1-3 ਨਾਲ ਪਛੜਨ ਤੋਂ ਬਾਅਦ ਇਹ ਸੈੱਟ ਗੁਆ ਬੈਠੇ। ਥਿਏਮ ਨੇ ਤੀਜੇ ਸੈੱਟ ਵਿਚ ਸ਼ਾਨਦਾਰ ਵਾਪਸੀ ਕਰਦਿਆਂ ਕ੍ਰਾਜਿਨੋਵਿਚ ਨੂੰ ਫਿਰ ਕੋਈ ਮੌਕਾ ਨਹੀਂ ਦਿੱਤਾ।
